Nunanit allaneersut amerlatsipput
2016-imi timmisartukkut ilaasartaatikkut attartukkakkullu angalasut katillugit 89.215-iusimapput, taamaalilluni siornamut sanilliullugu 10,3 pct.-inik amerlatsissimallutik. Kisitsisaasivik malillugu aatsaat taamak amerlatsigisunik angalasoqarsimanera naatsorsorneqarpoq (2008-2016).
Nunanut allanut angalasut nunatsinni najugaqanngitsut procentinngorlugu annertussusaat ukioq manna siornamit angineruvoq.
Titartakkami 3-mi takutinneqarpoq nunanut allanut angalasut nunagisaat ukununnga immikkoortillugit; ilisimaneqanngitsoq, angalasut nunagisaat ilisimaneqartoq (Kalaallit Nunaat, Danmark aamma nunat allat).
Titartagaq 3. Nunanut allanut angalasut nunagisaat, procentinngorlugit 2015-2016
Malugiuk: Angalasut nunagisaat ilisimaneqanngitsut amerlassusaat, ilismaneqartut agguataarnerat malillugu agguataarneq ilumoortumik pisumik tulluarsarnikoq naatsorsorneqarsimavoq.
Najoqqutaq: http://bank.stat.gl/tudfly
Titartakkami 4-mi takuneqarsinnaavoq martsimi Arctic Winter Gamesimut atatillugu attartuilluni angalaneq titartakkami nuuaqqamik pilersitsisoq. 2016-imi qaammatit tamakkerlugit, januaari oktobarilu minillugu, angalasut siornamut sanilliullugu amerlatsissimapput.
Titartagaq 4. Timmisartukkut ilaasartaatikkut attartukkakkullu angalasut amerlassusaat, 2014-2016
Najoqqutaq: http://bank.stat.gl/tunfly
Kisitsisaasivimmi kukkunernik naqqiinikuuvugut ukiuni 2008-2013-ini, tabellimi ”Kalaallit nunaanniit timmisartumut ilaasut”-mi. Kukkunerit kisitsisit aggustimi 2016-imi ilanngunneqarmatali pisimasut. Kisitsisaasivimmi 2011-imi novembarimi decembarimilu kukkunernik naqqiinikuuvugut tabellimi ”Nunap avataanut timmisartuussinerni ilaasut amerlassusaat”.